新舊潮語

0
570

新舊潮語

聽了十多年,現在才有機會讀 「牛耕田,馬食穀」 的全文,先和大家分享:

牛耕田, 馬食谷, 老竇賺錢仔享福.

象行田, 馬行日, 過河卒仔不退縮;

兵殺敵, 將閃縮, 功成身退享俸祿;

男善變, 女易哭, 貧賤夫妻難和睦;

流水清, 死水濁, 人望高處無滿足;

冰易化, 錢難蓄, 巧婦難煲無米粥;

水維生, 土長木, 光合作用葉變綠;

賭易學, 書難讀, 賭仔何曾買大屋?

命註定, 運難卜, 三衰六旺好難捉;

仙灑脱, 凡人俗, 犯規和尚食狗肉;

陽壽盡, 落陰谷, 生老病死乃定局。

這一段令大家體會到廣東話精妙之處,不過,我發覺近年有許多順口溜,一樣令人印象深刻。我選幾句出來拋磚引玉,大家有興趣的話,不妨網上留言。

1)唔駛急,最緊要快!

2)三十六著,持強凌弱。

3)若要人不知,唔好咁低B!

4)你有你拚博,我有我揮霍。

5)早買早享受,遲買平幾舊。

6)損人先利己,打贏靠暗器。

7)唔係你死,就係我返唔到屋企!

8)有恩不報未算差,有仇不報正人渣!

9)唔係猛龍唔過江,唔係豬扒唔化妝!

10)我唔係隨便嘅人,但我隨便起嚟唔係人!

11)痴痴呆呆坐埋一枱,戇戇居居圍埋一堆。

12)為兄弟可以兩脅插刀,為女人可以插你兩刀。

兩代的潮語併在一起看,大家不難發現,舊時代諷刺世情,對社會上的不公平,採取一種控訴的態度;新時代就挑戰道德底線,本質上都是嬉笑怒罵,但內裏的價值觀很有不同。細想一下,「牛耕田, 馬食谷 」和「成功靠父幹」,是否在相似之中,又有一點不一樣?

留下一個答覆

請輸入您的意見!
請輸入您的名字